Gwastraff bwyd

Bydd Caerdydd yn casglu gwastraff bwyd yn wythnosol o bob aelwyd. Gallwch ailgylchu bwyd wedi’i goginio a bwyd amrwd yn ogystal â chydau te ac esgyrn cyw iâr gan ddefnyddio’r gwasanaeth hwn.

Y cyfan sydd ei angen arnoch yw cadi bach ar gyfer casglu gwastraff bwyd yn eich cegin, bagiau bioddiraddiadwy ar gyfer leinio’r cadi, a chadi ymyl y ffordd sy’n fwy o faint (neu bin cymunedol os ydych yn byw mewn fflat) er mwyn rhoi eich gwastraff bwyd allan i’w gasglu. Gallwch gael bagiau leinio cadis am ddim mewn llyfrgelloedd, canolfannau hamdden a hybiau lleol y cyngor, neu gallwch aarchebu cadis a bagiau leinio ar-lein.

Caiff gwastraff bwyd ei drawsnewid yn ynni er mwyn pweru ein cartrefi gan ddefnyddio proses o’r enw treulio anaerobig. Edrychwch ar yr animeiddiad i ddysgu mwy.
A wyddoch chi y gall 6 cwdyn te wedi’u hailgylchu gynhyrchu digon o drydan i ferwi tegell?
Mewn un flwyddyn gallai’r holl wastraff bwyd yng Nghaerdydd fod wedi llenwi 11 pwll nofio maint Olympaidd!

Beth sy’n mynd yn y bin bwyd?

Gwaddodion Te a Choffi
Cig ac Esgyrn
Bara a Chrwst
Ffrwythau a Llysiau
Pysgod
Cynnyrch Llaeth

Ailgylchu

Bydd y Cyngor yn casglu ailgylchu’n wythnosol o bob aelwyd yng Nghaerdydd. Gallwch ailgylchu papur, cardfwrdd, poteli a jariau gwydr, poteli a chynhwysyddion bwyd plastig, erosolau gwag a chaniau bwyd metel i gyd gyda’i gilydd mewn un bag gwyrdd.

Mae bagiau gwyrdd ar gael am ddim o lyfrgelloedd, canolfannau hamdden a hybiau’r Cyngor. Yn ogystal, gallwch chi archebu mwy o fagiau ar-lein.

Pan fydd eich ailgylchu wedi’i gasglu, caiff ei ddidoli yng Nghyfleuster Ailgylchu Deunyddiau (CAD) Ffordd Lamby, cyn cael eu hail-brosesu er mwyn gwneud nwyddau newydd! Gwyliwch y fideo i ddysgu mwy.

 

Mewn un flwyddyn, gwnaethom ailgylchu digon o wydr i orchuddio 2000 cwrt tennis!

Er mwyn gweld yr hyn mae’r peiriannau ail-brosesu yn ei wneud ar ôl i’r eitemau ailgylchu adael Ffordd Lamby, edrychwch ar y fideos hyn:

Beth all gael ei ailgylchu

Erosolau | Cardfwrdd | Catalogau | Caniau diod | Amlenni | Tuniau bwyd | Poteli gwydr | Jariau gwydr | Cloriau jariau jam | Post sothach a thaflenni (tynnwch y plastig a’r deunyddiau lapio) | Tybiau Margarin | Cylchgronau | Papurau newydd | Cyfeiriaduron ffôn papur | Poteli plastig | Blychau ffrwythau plastig | Hambyrddau prydau parod plastig | Potiau iogwrt

Beth na all gael ei ailgylchu

Gwydr wedi’i dorri | Cryno-ddisgiau neu DVDs * | Dillad neu esgidiau * | Cambrenni | Eitemau trydanol * | Ffoil ffug (e.e. pecynnau creision neu godau bwyd cathod) | Offer cegin | Ffoil cegin | Cewynnau | Tuniau Paent * | Bagiau plastig | Teganau plastig * | Pecynnau neu hambyrddau cludfwyd polystyren | Carpion papur – defnyddiwch y gwasanaeth gwastraff yr ardd | Casetiau fideo * | Papur Wal

* Gallwch chi ailgylchu’r eitemau a llawer mwy yn y Canolfannau Ailgylchu Gwastraff y Cartref.

Targedau ailgylchu

A wyddoch chi fod rhaid i ni ailgylchu 70% o’n gwastraff erbyn 2025 – nid ydym wedi cyrraedd y nod eto ac felly rydym angen eich help!
Ar hyn o bryd, rydym yn ailgylchu ar 58%. Ein targed nesaf yw 64% erbyn 2020.

2015/16
53%
54%
55%
56%
57%
58%
Cyrhaeddwyd Targed 2015/16
Diolch!
58%
2019/20
59%
60%
61%
62%
63%
64%
2024/25
65%
66%
67%
68%
69%
70%

Gwastraff cyffredinol

Mae’r Cyngor yn casglu gwastraff cyffredinol bob pythefnos o bob aelwyd yng Nghaerdydd. Yn dibynnu ar eich ardal, caiff gwastraff cyffredinol ei gasglu naill ai mewn bin olwynion neu mewn bagiau streipiau coch a gwyn. Er mwyn annog ailgylchu a chyrraedd targedau ailgylchu llym y llywodraeth, mae swm y gwastraff cyffredinol y bydd y cyngor yn ei gasglu o bob aelwyd wedi’i gyfyngu. Dysgwch fwy am eich casgliad biniau neu fagiau.

A wyddoch chi?
Nid ydym bellach yn anfon gwastraff i safleoedd tirlenwi yng Nghaerdydd; rydym yn gweithio gyda chwmni o’r enw Viridor sy’n trawsnewid ein gwastraff yn ynni.
Os hoffech chi weld y tu ôl i’r llenni yn y ganolfan, beth am drefnu ymweliad?

Gwastraff gardd

Bydd y Cyngor yn casglu gwastraff gardd yng Nghaerdydd bob pythefnos ym misoedd yr haf ac yn fisol yn ystod y gaeaf. Yn dibynnu ar eich ardal, caiff gwastraff gardd ei gasglu naill ai mewn bin olwynion neu mewn sachau gwyn amldro.
Os yw eich cartref ar lwybr ar gyfer casgliadau sachau gardd amldro, mae’n rhaid i chi ymuno â’r gwasanaeth. Os nad ydych yn siŵr, gallwch wirio eich casgliadau yma.

A wyddoch chi y caiff eich gwastraff gardd ei drawsnewid yn gompost y gellir ei ddefnyddio i dyfu rhagor o blanhigion?
Trwy ailgylchu gwastraff gardd, rydym yn helpu’r amgylchedd. Roedd effaith amgylcheddol ailgylchu gwastraff gardd Caerdydd mewn un flwyddyn gyfwerth â chymryd bron i 2000 o geir oddi ar y ffordd!

Eitemau mawr

Gall eitemau mawr neu feintiau mawr o wastraff a gynhyrchir gan lanhau neu symud allan o dŷ gael eu hailgylchu yn eich canolfan ailgylchu leol am ddim. Fodd bynnag, mae’n rhaid i chi brofi eich bod yn byw yng Nghaerdydd pan fyddwch yn ymweld â’r ganolfan. Dysgu mwy
Yn ogystal, mae Caerdydd yn darparu gwasanaeth casglu eitemau mawr a chasgliadau ar gyfer clirio tai am dâl. Mae hyn yn ateb casglu cost isel er mwyn symud eitemau diangen o’ch cartref.

Didolwch!

Dysgwch sut i gyflwyno eich gwastraff ar gyfer ei gasglu. Archebwch ragor o fagiau ac adrodd am gasgliadau a gollwyd.