Yr haf hwn croesawodd Caerdydd Fin GreenSeas Trust cyntaf Cymru wrth i’r wlad arloesi gydag ymdrechion i frwydro yn erbyn llygredd plastig morol Mae’r BinForGreenSeas cyntaf yng Nghymru wedi dod i Gei’r Fôr-Forwyn, gan nodi cam pwysig ymlaen yn y frwydr yn erbyn llygredd plastig morol. Y bin eiconig hwn yw’r 19eg o’i fath yn y DU ac mae’n ychwanegiad hanfodol i Fae Caerdydd, gyda Chei’r Fôr-forwyn yn cael ei henwebu gan Gyngor Caerdydd am ei rôl strategol ym maes cadwraeth amgylcheddol. Wedi’i ddylunio’n benodol ar gyfer casglu gwastraff plastig PET, a ddefnyddir yn helaeth wrth gynhyrchu poteli plastig untro a chynwysyddion bwyd a diod eraill, nod y bin yw lleihau’r ystadegyn brawychus o 700,000 o boteli dŵr plastig yn cael eu taflu bob dydd yn y DU. Mae’r GreenSeas Trust wedi ymrwymo i addysgu, hyrwyddo a gweithredu rhaglenni sy’n atal plastig rhag llygru ein moroedd a’n hardaloedd arfordirol. Mae eu BinForGreenSeas yn cyflawni rôl symbolaidd ac ymarferol, gan godi ymwybyddiaeth o’r cysylltiad rhwng gwaredu gwastraff yn amhriodol a’i effeithiau niweidiol ar fywyd morol ac iechyd pobl. Mae Cei’r Fôr-Forwyn yn gobeithio y bydd y bin newydd yn annog ymwelwyr a’r gymuned leol i waredu eu gwastraff plastig yn gyfrifol […]

Rhedodd Tacluso Caerdydd 2024 am bythefnos. Yn ystod yr amser yma, daeth gwirfoddolwyr ar draws Caerdydd allan i helpu i lanhau ein dinas. Nod yr ymgyrch oedd cael gymaint o wirfoddolwyr ag oedd bosib. Gwahoddwyd gwirfoddolwyr unigol, grwpiau cymunedol, ysgolion a busnesau i gymryd rhan. Arweiniwyd yr ymgyrch gan Gadwch Gymru’n Daclus gyda chefnogaeth Afonydd Caerdydd a’r Tîm Carwch eich Cartref. Buodd yn llwyddiant mawr! Dros y pythefnos cafwyd: 45 o ddigwyddiadau Dros 450 o wirfoddolwyr Dros 1000 o fagiau sbwriel wedi’u casglu Dros 1100 awr wedi’u gwirfoddoli Cofiwch, nid oes rhaid i chi aros am y Tacluso Caerdydd 2025 nesaf i gymryd rhan! Os oes gennych ddiddordeb mewn casglu sbwriel, gallwch: Ddod yn Hyrwyddwr Sbwriel gyda LWYL. Ddod yn Hyrwyddwr Sbwriel gyda Chadwch Gymru’n Daclus. Ymuno ag Digwyddiad Grŵp Cymunedol. Fenthyg offer o Hyb Cadwch Gymru’n Daclus ar gyfer digwyddiad grŵp. https://keepwalestidy.cymru/cy/events/tacluso-caerdydd/      

Mae’n ymddangos bod stori arall sy’n peri pryder yn dod i’r amlwg bob wythnos am y peryglon, a achosir gan ein defnydd gormodol o blastig, i’r gymdeithas a’r blaned.  Mae hyn wedi ysbrydoli pobl i chwilio am ddewisiadau amgen ar gyfer y plastigau untro yn eu bywydau.   Mae hefyd wedi annog cwmnïau i greu deunyddiau newydd sy’n honni mai dyma’r ateb i’n problem blastig fel bioblastigau neu blastigau bioddiraddadwy.     Felly, beth yw’r deunyddiau hyn, sut maen nhw’n wahanol i’n cynhyrchion plastig arferol a sut ddylech chi eu gwaredu yng Nghaerdydd? Beth yw’r plastigau ‘eco’ hyn? Mae nifer cynyddol o blastigau amgen yn dod i’r amlwg ar y farchnad ac mae manteision y deunyddiau hyn o’u cymharu â phlastigau confensiynol yn aml yn cael eu trafod yn y diwydiant, gan gynnwys pa mor hawdd yw eu gwaredu. Mae’r tabl yn dangos trosolwg byr o’r prif ddewisiadau amgen i blastigau a ph’un a ydynt yn ailgylchadwy. Math o Blastig Disgrifiad Enghreifftiau o Logos Ailgylchadwy? Plastigau Bioddiraddadwy Plastigau sydd, dan amodau penodol, yn cael eu dadelfennu’n naturiol gan bethau byw e.e. pridd, dŵr, neu gompost.   Gall hyn gymryd cyfnodau amrywiol o amser ac ni fydd o reidrwydd yn arwain at rywbeth sy’n fuddiol […]

Mae’r haf yma ac mae’n bryd mwynhau ein parciau gwych. Dewch i gwrdd â’r Tîm Carwch Eich Cartref ac ymuno â ni ar gyrch i gasglu sbwriel yn y parc. Bydd ein Gasebo Carwch Eich Cartref allan a byddwn yn cynllunio strafagansa casglu sbwriel! Dewch i chwarae Bingo Sbwriel! Faint o’n heitemau Bingo Sbwriel allwch chi ddod o hyd iddyn nhw yn eich parc lleol? Gall unrhyw un sy’n casglu sbwriel gyda ni wedyn blannu hadau blodau yn ein compost. Compost sy’n cael ei wneud o Wastraff Gardd Caerdydd! Mae’n gyfle gwych i wneud gwahaniaeth i’r ardal leol, yn ogystal â dod i nabod eich cymdogion ychydig yn well. Ble:  06/08/24 Parc Sglefrio Llaneirwg – y tu allan i Hyb Llaneirwg 07/08/24 Parc Coed y Nant – ar ymyl orllewinol y llyn 13/08/24 Parc Caedelyn – cwrdd yn yr ardal chwarae plant 14/08/24 Parc y Tân – mynedfa Stryd Virgil / Virgil Court 15/08/24 Cae Rec y Rhath – ger Llyfrgell a Chanolfan Gymunedol Pen-y-lan 20/08/24 Parc Trelái – ger yr ardal chwarae plant 22/08/24 Parc y Sblot – ger Hyb STAR 27/08/24 Parc Bute – ger Secret Garden Cafe 29/08/24 Parc Victoria – wrth mynedfa Cowbridge Road. Pryd: 10am – […]

Yr wythnos hon yw Wythnos Gwirfoddolwyr 2023, sef wythnos pan fyddwn yn cydnabod ein holl wirfoddolwyr gwych a’ch cyfraniad i’n cymunedau. Hoffem ddiolch i bob un ohonoch sy’n gwneud cymaint o wahaniaeth i’n dinas.  Mae’r amser a’r ymroddiad rydych chi i gyd yn ei roi yn wirioneddol ysbrydoledig, ac mae’n anrhydedd i ni weithio ochr yn ochr â chi i gyd. Diolch i grwpiau Cymunedol anhygoel “Cadwch yn Daclus” ar draws y ddinas sy’n ysbrydoli ac yn grymuso cymunedau i ddod at ei gilydd i weithio ar y cyd trwy eu gweithredoedd a’u hangerdd.  Diolch i Ymgyrchwyr Sbwriel ac Arwyr Sbwriel anhygoel Carwch Eich Cartref (CEC) sy’n cymryd rhan yn annibynnol ond sy’n ysbrydoli eraill i gymryd rhan hefyd – mae dros 600 o Hyrwyddwyr Sbwriel a thros 300 o Arwyr Sbwriel erbyn hyn. Diolch i’n Hysgubwyr Mawr, a gliriodd dros 1500 o fagiau o ddail o’r strydoedd y tymor diwethaf. Diolch i’n holl Ymgyrchwyr Gadael Olion Pawennau yn Unig a’ch ffrindiau pedair coes sydd yn arwain trwy esiampl ac yn cefnogi eich cymunedau i ofalu am lwybrau cerdded cŵn yn y ddinas. Mae dros 200 ohonoch chi nawr! Diolch i holl Hyrwyddwyr Sbwriel Cadwch Gymru’n Daclus a sefydliadau lleol […]

Mae’r Nadolig i lawer yn adeg llawen o’r flwyddyn lle mae ffrindiau a theulu yn dod at ei gilydd. Yn anffodus, mae hefyd yn aml yn arwain at gynhyrchu gormod o wastraff. Efallai eich bod wedi bod yn meddwl, sut y gallaf leihau faint o wastraff a gynhyrchir yn fy nghartref y Nadolig hwn?  Wel, mae gennym rai awgrymiadau am ffyrdd bychain y gallwch leihau eich gwastraff a chael Nadolig mwy cynaliadwy! Gallwch roi cynnig ar un neu ddau, neu hyd yn oed bob un ohonynt! Bwyd Cynlluniwch eich cinio Nadolig a’ch bwyd ar gyfer faint o bobl rydych chi’n eu bwydo a cheisiwch beidio â gor-brynu bwyd. Mae Caru Bwyd Casáu Gwastraff wedi creu cynllunydd dognau i helpu! Defnyddiwch unrhyw fwyd dros ben drwy ei wneud yn bryd arall. Dyma rai syniadau am ryseitiau i’ch rhoi ar ben ffordd. Os oes gennych rywfaint o fwyd na allwch ei ddefnyddio neu wastraff cynhyrchion (e.e. esgyrn neu bilion llysiau), gwnewch yn siŵr eu bod yn mynd i mewn i’ch cadi gwastraff bwyd fel y caiff ei ddefnyddio i greu ynni. Os ydych yn chwilio am fwy o ysbrydoliaeth i leihau eich gwastraff bwyd eleni, mae gan Caru Bwyd, Casáu Gwastraff awgrymiadau […]

Efallai eich bod wedi gweld casglwyr sbwriel gwirfoddol ar waith neu fagiau pinc neu goch wrth ymyl biniau sbwriel yn barod i’w casglu.  Mae mwy a mwy o bobl anhygoel yn ymuno â’r mudiad i wneud Caerdydd yn lle taclusach.   Hoffem ddiolch yn fawr iawn i bob gwirfoddolwr am y gwahaniaeth enfawr a wnewch i’n dinas, rydym mor lwcus i’ch cael yn rhan o’r tîm. Os oes diddordeb gennych mewn cymryd rhan, ond nad ydych yn siŵr sut, darllenwch ymlaen i gael gwybod am y gwahanol opsiynau. Cymerwch ran mewn sesiwn casglu sbwriel gyda’ch grŵp lleol Mae llawer o grwpiau casglu sbwriel sefydledig ledled Caerdydd, sy’n gwneud gwaith anhygoel yn trefnu digwyddiadau casglu sbwriel i drigolion gymryd rhan ynddynt.  Mae’r digwyddiadau hyn yn wych ar gyfer cwrdd â phobl eraill o’r un anian a gweld effaith ymdrech ar y cyd.  Os ydych chi’n hoffi’r syniad o sesiynau casglu sbwriel cymdeithasol a gweladwy, dyma fyddai’r opsiwn i chi. Gallwch ddod o hyd i fanylion y gwahanol grwpiau a chalendr o weithgareddau ar ein tudalen gymunedol. Os nad oes grŵp yn eich ardal eisoes a bod diddordeb gennych mewn dechrau un, gall Cadwch Gymru’n Daclus eich helpu i ddechrau arni. Ydych chi […]

Mae tipio anghyfreithlon yn difetha ein cymunedau, gan achosi problem i’n hiechyd, ein cymdeithas a’r amgylchedd. Ond beth yw e, pam mae’n digwydd a beth allwch chi ei wneud i helpu? Beth yw tipio anghyfreithlon? Tipio anghyfreithlon yw’r weithred anghyfreithlon o waredu eitemau wrth ymyl ffordd, mewn lôn, mewn ystadau diwydiannol, mewn caeau, mewn afonydd, neu ar dir preifat heb ganiatâd. Gallai hyn gynnwys dodrefn, deunyddiau adeiladu, gwastraff gardd, gwastraff cartref cyffredinol neu hyd yn oed ddeunyddiau peryglus. Mae gwaredu gwastraff fel hyn yn anghyfreithlon ac yng Nghaerdydd gellir rhoi cosbau sefydlog o hyd at £400 am dipio symiau bach o wastraff yn anghyfreithlon ac uchafswm dirwy bosibl o £50,000 neu hyd yn oed ddedfryd o garchar am dipio symiau mwy o wastraff yn anghyfreithlon. Nid yn unig y mae costau ariannol yn gysylltiedig â thipio anghyfreithlon ond hefyd rhai amgylcheddol a chymdeithasol. Mae tipio anghyfreithlon yn denu llosgwyr, yn achosi i rai plastigau ddod yn rhan o’r ecosystem a chael effaith negyddol ar dwristiaeth. Mae hyn yn golygu bod amser ac arian y gellid ei dreulio/ei wario ar brosiectau eraill i wella ein hamgylchedd a’n cymunedau yn cael eu defnyddio i glirio ar ôl pobl eraill. Yn ôl StatsCymru […]

Pan ddaw’r gwanwyn yn ôl ac mae’r haul yn disgleirio, rydym i gyd am fynd allan a mwynhau ein hunain ym mharciau a mannau gwyrdd ein dinas. Ond pan fyddwn yn barod i adael, beth sy’n digwydd i’n gwastraff? Gwastraff ym Mharciau Caerdydd Yn ystod misoedd y gwanwyn a’r haf mae Cyngor Caerdydd yn darparu biniau ychwanegol ac yn ehangu ein tîm o staff glanhau, er mwyn cadw parciau Caerdydd i edrych ar eu gorau. Mae hyn yn rhan o’n hymrwymiad i gadw mannau gwyrdd Caerdydd yn lân ac yn iach i’n trigolion a’r amgylchedd. Sut gall trigolion helpu? Mae’r cymorth y mae trigolion Caerdydd yn ei roi i gynnal a chadw ein mannau gwyrdd yn cael ei werthfawrogi’n fawr ac rydym yn siŵr eich bod yn meddwl tybed sut y gallwch helpu. Un ffordd yw ein helpu i atal biniau rhag gorlenwi, os oes gennych wastraff a bod y bin yn llawn, arhoswch nes i chi ddod o hyd i un arall neu hyd yn oed yn well, ewch ag ef adref i gael gwared arno. Gall sbwriel o finiau sy’n orlawn gael ei chwythu i’r amgylchedd a bod yn niweidiol i fywyd gwyllt a’r cyhoedd. Yn ogystal, drwy […]

Ydych chi am helpu i gadw strydoedd Caerdydd yn daclus?  Pam na chofrestrwch chi i ddod yn un o’n hymgyrchwyr sbwriel “Carwch Eich Caerdydd”? Mae gennym fagiau cymunedol pinc i’n gwirfoddolwyr.  Yna gellir gadael y rhain mewn unrhyw stryd cyngor neu fin parc a bydd ein criwiau glanhau yn eu casglu ar eu rowndiau. I gofrestru, cysylltwch â’r tîm ar 029 2071 7564 neu  carwcheichCaerdydd@caerdydd.gov.uk   Cyhoeddedig: 06/11/2020

Mae Sgubo’r Stryd 2024 wedi dod i ben. Ni fydd mwy o gasgliadau dail gan wirfoddolwyr yr Hydref/Gaeaf hwn. Am wybodaeth y cynllun ar gyfer 2025, dewch nôl i’r dudalen yma yn yr Hydref. Mae’r dail yn disgyn eto wrth i’r hydref ein cyfarch! Os ydych chi’n byw’n rhywle â choed ar eich stryd, beth am ymuno â sesiwn glirio leol? Byddwn yn darparu bagiau i chi allu casglu’r dail ar eich stryd. Gellir gwneud y gwirfoddoli cymunedol hwn yn unigol, neu gallwch gynnwys eich cymdogion mewn ymgyrch clirio dail. Pan fydd y bagiau’n llawn gallwch roi gwybod i ni ac fe ddown i’w casglu.  Gwnewch yn siŵr nad yw’r bagiau’n rhwystro unrhyw ffyrdd na llwybrau, a bod ein criwiau’n gallu stopio yno’n ddiogel. Os hoffech chi gymryd rhan, gallwch e-bostio carwcheichcartref@caerdydd.gov.uk neu ffonio 029 2071 7564. Gallwch adrodd am ddail ar y palmant neu adrodd am ddail ar y ffordd ar wefan Cyngor Caerdydd. Gallwch hefyd adrodd am groniad dail a draeniau wedi’u rhwystro ar ap Caerdydd Gov. Casgliadau olaf i Sgubo’r Stryd 2024 ar Ddydd Sadwrn 7fed Rhagfyr 2024

Yma yn Carwch Eich Caerdydd, rydym i gyd yn caru coed. Rydym yn gwybod bod coed a phlanhigion yn chwarae rhan allweddol i wneud ein cymdogaethau yn llefydd deniadol a diogel i fyw ynddynt. Yn anffodus, mae yna rai pobl sydd ddim yn caru coed gymaint â ni.  Gall coed ar ein strydoedd fod yn fan amlwg ar gyfer sbwriel a thipio anghyfreithlon.  Mae’r gwylanod wrth eu boddau â hyn – ond dydyn ni ddim. Felly ym mis Gorffennaf cynhaliodd tîm Carwch Eich Caerdydd gystadleuaeth poster wedi ei seilio ar y neges ‘Coeden ydw i – nid bin‘. Cawsom nifer o geisiadau gwych i’r gystadleuaeth, ond yn y diwedd fe ddewison ni un enillydd sy’n Oedolyn, un enillydd sy’n Blentyn a 4 cynnig yn yr ail safle. Mae’r ddau ddyluniad buddugol wedi’u hargraffu a byddant yn ymddangos yn y mannau trafferthus y gwyddom amdanynt. Fodd bynnag, mae’r 6 dyluniad ar gael yma i chi eu lawrlwytho, naill ai i’w defnyddio ar y cyfryngau cymdeithasol, neu i’w harddangos mewn ardal sy’n agos i chi. Mae’r dyluniadau buddugol gan John, a Beulah (7 oed). Mae’r dyluniadau ddaeth yn ail gan Cathy ac Alexis (gyda chymorth gan y ferch Jorga-Mae) ac Eleri (11 […]

P’un a ydych chi allan gyda’ch uned Sgowtiaid neu’ch uned Geidiaid, neu gartref – mae’n hawdd ennill bathodyn Carwch eich Cartref, felly beth am roi cynnig arni? Mae’n gwbl rad ac am ddim i gymryd rhan a gallwn anfon bathodynnau i’ch uned. Gallech gynnal casglu sbwriel gyda’ch uned, neu os nad dyna’ch chwaeth mae digon o syniadau ac adnoddau i ennill eich bathodynnau isod.  I gael rhagor o wybodaeth am sut i drefnu casglu sbwriel, e-bostiwch CarwchEichCartref@caerdydd.gov.uk

Mae’n bleser gan Gyngor Caerdydd groesawu Penny Bowers yn gennad gwirfoddol ar gyfer yr ymgyrch Gadewch ond Ôl Pawennau, y ffordd gyfeillgar, di-wrthdaro o fynd i’r afael ag agweddau ac ymddygiadau’n ymwneud â baw cŵn. Mae Penny, o Ystum Taf, yn dod o gefndir sy’n cynnwys gweithio gyda chŵn ac mae ei phrofiad sylweddol yn cynnwys bod yn Gadeirydd Cyfeillion Parc Hailey, Swyddog Cyfryngau Cymdeithasol Grŵp Gweithredu Cŵn Caerdydd a Gofalwr Maeth a Swyddog Codi Arian Four Paws. Mae Penny hefyd yn cynnal dwy sioe gŵn y flwyddyn yng Nghaerdydd ac mae wedi bod yn maethu cŵn am 17 mlynedd. Dywedodd llefarydd ar ran Cyngor Caerdydd, “Rydym wrth ein bodd o groesawu Penny yn arweinydd mewn enw ar gyfer yr Ymgyrch Gadewch ond Ôl Pawennau. Mae Penny o blaid siarad am fod yn berchennog cyfrifol, a hithau wedi bod yn berchen cŵn ei am 50 mlynedd. “Rydym yn edrych ymlaen at weithio gyda Penny ar flaen y gad, yn hyrwyddo ein neges Gadewch ond Ôl Pawennau ledled y ddinas. Byddwn yn cydweithio â hi er mwyn cwrdd â grwpiau, rhwydweithiau ac elusennau cŵn a milfeddygon. Yn y Flwyddyn Newydd byddwn yn lansio digwyddiadau untro a gynhelir ledled parciau Caerdydd a […]

Pam Ail-lenwi? Nod ymgyrch Ail-lenwi ydy normaleiddio ail-lenwi a’i gwneud cyn hawsed â phosibl i bobl ddod o hyd i ddŵr yfed am ddim o safon uchel ar eu hynt. Y nod ydy creu rhwydwaith cenedlaethol o fanwerthwyr y stryd fawr, caffis, hybiau trafnidiaeth a busnesau sy’n cynnig gadael i’r cyhoedd ail-lenwi eu poteli dŵr am ddim ym mhob dinas a thref fawr. Mae Ail-lenwi’n cael ei gyflwyno trwy’r wlad gyda chefnogaeth gan Lywodraeth Cymru a chwmnïau dŵr fel Dŵr Cymru, Hafren Dyfrdwy; bydd Ail-lenwi yn cynyddu’r cyfleoedd i gael dŵr yfed o safon uchel yn sylweddol. Ni fu hi fyth yn haws cyfnewid eich potel blastig untro am flas rhad ac am ddim o ogoniant mynyddoedd Cymru. 1. Atal llygredd plastig. Yn ôl Pwyllgor Craffu ar yr Amgylchedd, mae faint o boteli dŵr a brynir wedi dyblu dros y 15 blynedd diwethaf a defnyddir dros 7 biliwn o boteli dŵr bob blwyddyn yn y DU. Petai pawb yn y DU yn ail-lenwi unwaith yr wythnos, byddem yn osgoi creu 340 miliwn o boteli plastig bob blwyddyn. Ar ben hynny, mae swm cywilyddus o 700,000 o botelir plastig yn cael eu taflu bob dydd yn y DU. Mae llawer o’r […]

Mae aelod sefydlu Grŵp Afonydd Caerdydd, Dave King, wedi derbyn MBE yn rhestr Anrhydeddau Pen-blwydd y Frenhines am “wasanaethau i’r amgylchedd”. Sefydlodd Dave Grŵp Afonydd Caerdydd yn 2009, a deng mlynedd yn ddiweddarach mae’r grŵp wedi mynd o nerth i nerth. Mae ganddo bwyllgor brwd a thros 600 o gefnogwyr a gwirfoddolwyr ymhlith ei aelodau. Mae’n gweithio gyda sefydliadau a chwmnïau amrywiol, gan gynnwys Cyngor Caerdydd, Viridor, Gwasanaethau Parciau Caerdydd, Cyfoeth Naturiol Cymru, Carwch Eich Cartref, McDonald’s a Heddlu De Cymru. Yn ogystal â sefydlu Grŵp Afonydd Caerdydd, dechreuodd Dave hefyd Cadw Grangetown yn Daclus ac roedd yn allweddol i’r gwaith o sefydlu Cadw Sblot yn Daclus hefyd. Sefydlodd hefyd ‘Dusty Shed’ – elusen sydd â’r nod o helpu dynion sydd wedi eu hynysu’n gymdeithasol. Dywedodd Dave: “Ges i sioc ryfeddol pan ddaeth y llythyr o Swyddfa’r Cabinet. Roedd fy ngwraig a’m tad yn eu dagrau pan glywson nhw. Mae wedi bod yn hyfryd, yn emosiynol iawn. Mae pobl wedi bod yn garedig iawn i fi. Pan symudon ni i Gaerdydd o Surrey 11 mlynedd yn ôl, ro’n ni’n byw ger Trem y Môr, ac roedd yr olygfa’n hyfryd, ond ro’n i’n synnu o weld faint o sbwriel oedd yn […]

Mynd i’r afael â sbwriel yn Afon Caerdydd Aeth 50 o wirfoddolwyr ati ddydd Sadwrn y Pasg i fynd i’r afael ag un tro yn Afon Rhymni lle’r oedd miloedd o fotelau plastig a llawer o wastraff arall wedi ymgasglu. Ni lanhawyd y rhan hon o’r afon erioed o’r blaen a chafodd y gwirfoddolwyr eu synnu o weld cymaint o wastraff a oedd yno. Fodd bynnag, mewn llai na dwy awr, glanhawyd yr ardal yn llwyr gan y gwirfoddolwyr! Gwnaethant gasglu 150 o fagiau plastig glas i’w hailgylchu gan Terracycle (cânt eu defnyddio i wneud poteli siampŵ newydd) a 6 sach adeiladwyr o eitemau plastig mawr; 4 casgen, 8 côn traffig, cadair, pen bwrdd, 25 bag o wastraff ailgylchu cymysg, 10 olwyn car/teiar, 14 o fotelau nwy, 2 ddiffoddwr tân, 2 oergell, 2 oergell-rewgell, 60 o fagiau a 5 sach adeiladwyr o wastraff cyffredinol i’w ddinistrio. Hefyd, gwnaethant gasglu 10 mat damwain adeiladu wyth troedfedd wedi’u llenwi â pholystyren, 2 gynhwysydd o olew injan, ysgol, gynhwysydd dŵr enfawr, a 2 fag o beli-troed! Gellir gweld lluniau yma https://www.flickr.com/photos/47355989@N07/albums/72157665244439987 Dywedodd yr aelod pwyllgor, Nigel Barry, “Roedd cymaint o wynebau newydd heddiw, llwyth ohonynt! Mae’r rhaglen Blue Planet yn parhau i newid […]

Yma yng Nghaerdydd, nid ydym bellach yn gyrru ein gwastraff na ellir ei ailgylchu i’w dirlenwi; caiff ei brosesu i greu ynni a gallwch ddarllen ein blog i ddarganfod mwy.  Fodd bynnag, mae dal angen rheoli’r safle tirlenwi ar Ffordd Lamby er mwyn ei gadw’n ddiogel ac i sicrhau y gellir defnyddio’r tir yn y dyfodol. Fe lwyddon ni i gael gafael ar y rheolwr tirlenwi Gareth Foulkes i ddysgu mwy am weithrediad y gwaith tirlenwi, ei hanes a sut mae’n rheoli’r tir i’w wneud yn ddiogel ar gyfer ei ddefnyddio yn y dyfodol. Allwch chi egluro hanes y tirlenwi? Agorodd y tirlenwi ym 1976 wedi i’r afon Rhymni gael ei gwyro.  .  Er mwyn adeiladu Ffordd Lamby’r Dwyrain roedd yn rhaid draenio’r corsydd heli a chreu cyfres o Ffosydd Draenio.  Roedd Ffordd Lamby’r Dwyrain i fod i gau yn 2002 ond ers iddo agor yn y 70au rydym wedi ailgylchu mwy a mwy, gan ddargyfeirio gwastraff o’r tirlenwi, gan ryddhau mwy o ofod tirlenwi, felly mae wedi cael ei ymestyn hyd haf 2017. Pa bryd y capiwyd y tirlenwi? Capiwyd Ffordd Lamby yn llawn yn 2018. Y capio yw’r broses o osod caead ar y tirlenwi i sicrhau nad […]