Mae’r dail yn disgyn eto wrth i’r hydref ein cyfarch.
Er y bydd timau’r Cyngor yn brysur yn clirio’r dail o amgylch strydoedd Caerdydd, ni allant fod ymhobman ar unwaith. A dyma lle gallwch chi helpu gyda’ch stryd chi.
Os ydych yn byw yn rhywle sydd â choed ar eich stryd yna beth am gyfrannu at yr ymgyrch “Sgubo’r Stryd” leol? Byddwn yn darparu bagiau a gallwch gasglu’r dail ar eich stryd. Gellir gwneud y gwirfoddoli cymunedol hwn naill ai’n unigol ar eich pen eich hun neu gallwch gael eich cymdogion i gymryd rhan i glirio dail.
Unwaith mae’r bagiau yn llawn gallwch roi gwybod i ni ac fe ddown i’w casglu. Mae angen eu gadael mewn lleoliad sydd ddim yn rhwystro unrhyw lwybrau neu ffyrdd ac sy’n ddiogel i’n criwiau stopio ynddyn nhw.
Os hoffech chi gymryd rhan, cysylltwch â carwcheichcartref@caerdydd.gov.uk neu ffoniwch 029 2071 7564.
Dysgwch fwy am ein hamserlen glanhau dail yn eich ardal chi yma.
Gallwch hefyd ddweud wrthym am domenni o ddail a draeniau wedi eu blocio ar ap Caerdydd Gov.
Cyhoeddedig: 25/09/2021
Diweddaru ar:19/10/2021
Comments are closed.